Երկնէր երկին, երկնէր երկիր,
Երկնէր եւ ծովն ծիրանի.
Երկն ի ծովուն ունէր եւ զկարմրիկն եղեգնիկ:
Ընդ եղեգան փող ծո՛ւխ ելանէր,
Ընդ եղեգան փող բո՛ց ելանէր.
Եւ ի բոցոյն վազէր խարտեաշ պատանեկիկ:
Նա հուր հեր ունէր,
Բո՛ց ունէր մօրուս,
Եվ աչկունքն էին արեգակունք:
Կարդա այսպես.
ծովն — ծովըն
զկարմրիկն — ըզկարմրիկըն
ի բոցոյն — ի բոցույն
Բառարան
երկնէր — երկնում էր (ծնում էր)
երկին — երկինք(ը)
ծովն ծիրանի — ծիրանի ծովը
երկն — երկունքը
ի ծովուն — ծովում, ծովի մեջ
ունէր — 1. բռնել էր 2. ուներ
զկարմրիկն եղեգնիկ — կարմիր եղեգնիկին
ընդ եղեգան փող — եղեգնի փողով
ելանէր — ելնում էր
ի բոցոյն — այն բոցից
վազէր — վազում էր
աչկունք — աչիկները
արեգակունք – արեգակներ
Հարցեր և առաջադրանքներ
- Ո՞վ է Վահագնը: Պատմի՛ր նրա մասին: Վահագնը ռազմի և պատերազմի Աստվածն էր: Նա ծնվել էր երկինքից, երկրից և ծովից: Նրա մազերը կրակագույն էին, իսկ աչքերը արևի նման էին:
- Գույն մատնանշող բառերը դուրս գրիր: Ո՞րն է բանաստեղծության մեջ իշխող գույնը: Ծիրանագույն, կարմիր: Բանաստեղծության մեջ գերակշռում է կարմիր գույնը:
- Նկարագրի՛ր Վահագնի ծնունդը: Ո՞ր հիմնական տարրերի ծնունդ է Վահագնը: Երկիրը ու երկինքը գոռում էին և ծովի մեծ ալիքներից դուրս է գալիս խարտյաշ մի պատանի` հզոր և ուժեղ: Վահագնը երկինքի, երկիրի և ծովի ծնունդ է:
- Վահագնին նկարագրող պատկերները դո՛ւրս գրիր և ըստ դրանց ինքդ նկարագրի՛ր նրան:
Եւ ի բոցոյն վազէր խարտեաշ պատանեկիկ:
Նա հուր հեր ունէր,
Բո՛ց ունէր մօրուս,
Եվ աչկունքն էին արեգակունք:
- Քո կարծիքով, այս ծնունդն իրակա՞ն է, երևակայակա՞ն, թե՞ ինչ-որ բան խորհրդանշող: Իմ կարծիքով այս ծնունդը երևակայական է, որովհետև սա լեգենդ է, իսկ լեգենդը պատություն է, որը ստեղծել և գրել են մարդիկ:
- Բանաստեղծությունն աշխարհաբար դարձրո՛ւ: Երկնում էր երկինքը. Երկնում էր երկիրը. Երկնում էր ծիրանի ծովը. Ծովում կարմիր եղեգնիկ կար. Եղեգնի փողից բոց էր ելնում, եղեգնի փողից ծուխ էր ելնում և այն բոցից վազում էր մի խարտյաշ պատանի. Նա հրեգույն մազեր ուներ. բոցագույն մորուք ուներ և աչքերն էին արեգակներ.
- Paint-ով նկարի՛ր Վահագնի ծնունդը:
- Ձայնագրի՛ր բանաստեղծությունը:
